O OUTONO NOS SENTIDOS

Aproveitando que estamos traballando o outono na aula de 5 anos e para poñer en práctica o aprendido, fixemos unha excursión, xunto cos nosos compañeiros de 4 anos, polo paseo do Miño. A finalidade era, coñecer un pouquiño máis a nosa contorna, valorala, non só como espazo ambiental senón tamén, como espazo de aprendizaxe e de lecer. Alí, coa axuda de monitoras, exploramos a natureza a través dos sentidos.

Os nenos e nenas foron rotando por cada un dos espazos destinados a traballar cada sentido e así experimentaron: cores, olores, sabores, texturas...propias da nosa contorna no outono.

Debuxaron en pedras, follas e incluso fixeron composicións con diferentes materiais recollidos. De este xeito, fomentamos a imaxinación e a aprendizaxe a través do xogo.

Aprendemos e divertímonos moito!!!

A FESTA DO MAGOSTO

Na aula de 5 anos, os nenos e nenas fixeron unha serie de actividades previas a esta festa.
-Aprenderon poesías e adiviñas , tanto en galego como en castelán, relacionadas con este froito típico do outono.
-Brais Lourés e Diego, de 4º de primaria foron a nosa aula, recitar unha poesía sobre o magosto.

-Decoraron unha divertida castaña con plastilina, ceras e pintura de dedo.

-Nun folio, debuxaron castañas, follas, ourizos...para elaborar un cucurucho.

-Con estos cucuruchos baixamos ao patio para participar na festa que organizou a ANPA, asando e pelando as castañas e agasallándonos cun apetitoso bolo de leite.

CHEGOU O SAMAÍN

Para celebrar esta festa, os nenos e nenas de 5 anos, trouxeron das súas casas, traballos e cabazas decoradas coa axuda das familias.

  

Na aula fixemos uns antifaces de morcegos para asustar un pouquiño.

O profe Juan visitounos con unha man...un pouco extraña.

Logo, marcharon para casa moi emocionados co antifaz posto e un diploma por haber participado.

CELEBRAMOS O SAMAÍN

Coa chegada do Samaín todos nos asustamos un pouquiño pero disfrutamos moito máis. Tamén saboreamos dediños de bruxa que cociñou Lucas e a súa familia para todos nós.

CHEGOU O MAGOSTO

Os nenos e nenas de 4 anos celebraron a entrada do outono cun magosto.